Aðalfundur Málfundafélagsins Sleipnis

Aðalfundur Málfundafélagsins Sleipnis var haldinn í Kaupangi í kvöld. Stefán Friðrik Stefánsson var endurkjörinn formaður Sleipnis. Stefán Friðrik hefur setið í stjórn Sleipnis frá árinu 2006, var ritari félagsins 2006-2008, varaformaður 2010-2011 og formaður frá 2011. Auk Stefáns Friðriks sitja í stjórn; Unnsteinn E. Jónsson, varaformaður, Árni Bergmann Pétursson, Davíð Þ. Kristjánsson og Jón Oddgeir Guðmundsson.

Aðalfundur Sjálfstæðisfélags Akureyrar 24. maí

Aðalfundur Sjálfstæðisfélags Akureyrar verður haldinn í Kaupangi við Mýrarveg, fimmtudaginn 24. maí nk. kl. 20:00. Á dagskrá verða venjuleg aðalfundarstörf. Nýir félagar velkomnir.

Viðtal við Njál Trausta í þættinum Okkar á milli á Rás 1

Njáll Trausti Friðbertsson, flugumferðarstjóri og varabæjarfulltrúi Sjálfstæðisflokksins á Akureyri, var gestur Péturs Halldórssonar í þættinum Okkar á milli á Rás 1 í morgun. Í þættinum segja gestir frá lífshlaupi sínu og velja tónlist í þáttinn.

Stjórnmálaályktun Varðar

Á aðalfundi Varðar 26. apríl sl. var samþykkt stjórnmálaályktun. Þar kemur m.a. fram að ungir sjálfstæðismenn á Akureyri telja húsmæðraorlof tímaskekkju, þeir harma kaup Sjónlistamiðstöðvarinnar á plastmáli Jóhönnu Sigurðardóttur og segja þau vera misnotkun á almannafé, slíta eigi aðildarviðræðum Íslands við Evrópusambandið og áréttað mikilvægi þess að framkvæmdir hefjist við Vaðlaheiðargöng.

Aðalfundur Málfundafélagsins Sleipnis 17. maí

Aðalfundur Málfundafélagsins Sleipnis verður haldinn í Kaupangi við Mýrarveg fimmtudaginn 17. maí nk. kl. 20:00. Á dagskrá eru venjuleg aðalfundarstörf. Nýir félagar velkomnir.

Umræðufundur um stjórnarskrártillögur

Umræðufundur Málfundafélagsins Sleipnis um stjórnarskrá lýðveldisins og tillögur til breytinga á henni verður haldinn í Kaupangi  miðvikudaginn 9. maí kl. 20:00. Ágúst Þór Árnason, lektor við Háskólann á Akureyri og nefndarmaður í stjórnarskrárne​fnd, flytur framsögu og svarar fyrirspurnum.

Bæjarmálafundur 7. maí

Bæjarmálafundur Sjálfstæðisflokksins á Akureyri verður haldinn í Kaupangi mánudaginn 7. maí kl. 20:00. Ólafur Jónsson og Njáll Trausti Friðbertsson flytja framsögu um bæjarmálin. Rætt verður t.d. um deiliskipulagstillögur, frumathugun að vatnsaflsvirkjun í Glerárdal og ársreikning Akureyrarbæjar. Karl Guðmundsson, verkefnastjóri hjá Akureyrarbæ, flytur erindið: Íbúaþróun, rekstur, fjármálaleg staða og framkvæmdir 2002-2011.

Aðalfundur hjá Verði, félagi ungra sjálfstæðismanna á Akureyri

Ný stjórn Varðar f.u.s. á Akureyri var kjörin á aðalfundi félagsins í dag. Jón Orri Guðjónsson var kjörinn formaður Varðar. Jón Orri hefur setið í stjórn Varðar frá árinu 2008, sem ritari Varðar 2009-2011 og varaformaður 2011-2012. Jón Orri hefur setið í stjórn Sambands ungra sjálfstæðismanna frá því í ágúst 2011.

Maður spyr sig - enn af vegstyttingum

Í grein fjallar Njáll Trausti Friðbertsson, varabæjarfulltrúi Sjálfstæðisflokksins á Akureyri, um mikilvægi styttingar leiðarinnar á milli Reykjavíkur og Akureyrar. Ögmundur Jónasson, innanríkisráðherra, hefur nú hætt við Húnavallaleið, sem hefði stytt leiðina mjög. Virðist þar ráða mestu pólitísk innansveitarkróníka hjá veikburða vinstri grænum í máttlausri vinstristjórn.

Unnsteinn valinn í atvinnuveganefnd

Unnsteinn E. Jónsson, varaformaður Sleipnis og áheyrnarfulltrúi í stjórn Akureyrarstofu, hefur verið valinn til setu í atvinnuveganefnd Sjálfstæðisflokksins af hálfu sveitarstjórnarráðs flokksins. Unnsteinn sat í skipulagsnefnd Akureyrarbæjar 2007-2010 og átti sæti á framboðslista 2006 og 2010.