Allar fréttir

Mikið fjölmenni, um 800 sjálfstæðismenn, var á fundi sem Bjarni Benediktsson formaður Sjálfstæðisflokksins og forsætisráðherra boðaði til á Hilton Nordica-hótelinu í Reykjavík. Ráðherrar flokksins ávörpuðu fundinn auk ritara flokksins og formanni þingflokksins

Bæjarmálafundur Sjálfstæðisflokksins á Akureyri verður haldinn í Geislagötu 5 mánudaginn 15. apríl kl. 17:30. Farið yfir helstu mál í bæjarstjórn. Þórhallur Harðarson, nefndarmaður í umhverfis- og mannvirkjaráði, fer yfir helstu verkefni UMSA á árinu 2024. Heimir Örn Árnason fer yfir ársreikning fyrir árið 2023 og helstu verkefni á næstu tveimur árum. Allir velkomnir.

Sjálfstæðisfélag Akureyrar heldur fund í Geislagötu 5 fimmtudaginn 11. apríl kl. 20:00. Þórdís Kolbrún Reykfjörð Gylfadóttir, utanríkisráðherra og varaformaður Sjálfstæðisflokksins, Njáll Trausti Friðbertsson, oddviti Sjálfstæðisflokksins í Norðausturkjördæmi, og Berglind Ósk Guðmundsdóttir, alþingismaður, flytja framsögu og svara fyrirspurnum. Heitt á könnunni - allir velkomnir

Bjarni Benediktsson, formaður Sjálfstæðisflokksins, verður forsætisráðherra í ríkisstjórn Sjálfstæðisflokksins, Framsóknarflokksins og VG. Þórdís Kolbrún Reykfjörð Gylfadóttir, varaformaður Sjálfstæðisflokksins, tekur að nýju við embætti utanríkisráðherra.

Málfundafélagið Sleipnir heldur umræðufund í Geislagötu 5 laugardaginn 13. apríl kl. 11:00. Í fundarbyrjun er horft á ávarp Bjarna Benediktssonar, forsætisráðherra, á fundi á Hilton í Reykjavík. Að því loknu hefst fundur hjá okkur. Berglind Ósk Guðmundsdóttir, alþingismaður, og Bryndís Haraldsdóttir, alþingismaður og forseti Norðurlandaráðs, flytja þar framsögu um menntamál og svara fyrirspurnum.

Aðalfundur Verkalýðsráðs Sjálfstæðisflokksins var haldinn í dag. Kristinn Karl Brynjarsson var endurkjörinn formaður ráðsins. Stefán Friðrik Stefánsson, formaður Sleipnis, var endurkjörinn 1. varaformaður og Heiðrún Hauksdóttir 2. varaformaður.

Sjálfstæðisflokkur og Framsóknarflokkur hafa myndað meirihluta í bæjarstjórn Fjarðabyggðar. Með því nær Sjálfstæðisflokkurinn í fyrsta skipti þeim merka áfanga að vera í meirihlutasamstarfi samtímis í öllum sveitarfélögum, þar sem hann bauð fram í sveitarstjórnarkosningum, í Norðausturkjördæmi.