Fréttir

Málfundafélagið Sleipnir boðar til umræðufundar í Geislagötu 5, 2. hæð, laugardaginn 11. maí kl. 10:30. Njáll Trausti Friðbertsson, alþingismaður og oddviti Sjálfstæðisflokksins í Norðausturkjördæmi, flytur framsögu og svarar fyrirspurnum. Allir velkomnir - heitt á könnunni.

Bæjarmálafundur Sjálfstæðisflokksins á Akureyri verður haldinn í Geislagötu 5 (gengið inn að norðan) mánudaginn 6. maí kl. 17:30. Farið verður yfir helstu mál sem verða á dagskrá bæjarstjórnarfundar. Heimir Örn Árnason, formaður bæjarráðs, fer yfir stöðu bæjarmálanna nú þegar kjörtímabilið er hálfnað; hvað hafi gengið vel og hvað megi bæta. Allir velkomnir - heitt á könnunni.

Sigurður Hermannsson, tæknifræðingur og fyrrverandi umdæmisstjóri Isavia á Norðurlandi eystra, er látinn, 78 ára að aldri. Sigurður var virkur í starfi Sjálfstæðisflokksins á Akureyri um árabil og lagði flokknum ómetanlegt lið þegar á reyndi.

Í umfjöllun í Morgunblaðinu í dag fer Njáll Trausti Friðbertsson, oddviti Sjálfstæðisflokksins í Norðausturkjördæmi, yfir stöðu ís­lensks efna­hags­lífs og op­in­berra fjár­mála. Hann segir að staðan sé í raun furðugóð miðað við þau fjölmörgu áföll sem hafa dunið á und­an­far­in fimm ár.

Sjálfstæðismenn á Akureyri munu fagna sumarkomu með því að koma saman í vöfflukaffi í Geislagötu 5 á sumardaginn fyrsta, 25. apríl, kl. 14:00 til 16:00. Hvetjum alla sjálfstæðismenn til að mæta í vöfflukaffi og fagna sumarkomu með okkur.

Málfundafélagið Sleipnir heldur umræðufund í Geislagötu 5 þriðjudaginn 23. apríl kl. 20:00. Guðrún Hafsteinsdóttir, dómsmálaráðherra, flytur framsögu um stöðuna í málaflokki sínum og stöðuna í pólitíkinni og svarar að því loknu fyrirspurnum. Heitt á könnunni - allir velkomnir.

Málfundafélagið Sleipnir boðar til umræðufundar í Geislagötu 5 (gengið inn að norðan) laugardaginn 20. apríl kl. 10:30. Ásmundur Friðriksson, alþingismaður, flytur framsögu um stjórnmálaviðhorfið og svarar fyrirspurnum. Allir velkomnir - heitt á könnunni.