Berglind Ósk Guðmundsdóttir (1. - 6. sæti)

Berglind Ósk Guðmundsdóttir, laganemi, gefur kost á sér í 1. - 6. sæti í röðun Sjálfstæðisflokksins á Akureyri 3. febrúar nk.

Berglind Ósk er fædd í Reykjavík 7. júlí 1993. Berglind Ósk útskrifaðist með stúdentspróf frá Menntaskólanum Hraðbraut 2011 og útskrifaðist með BA gráðu í lögfræði frá Háskólanum á Akureyri 2016. Berglind mun útskrifast með meistarapróf í lögfræði í júní 2018.

Á milli stúdentsprófs og háskóla starfaði Berglind Ósk sem yfirmaður í eldhúsi og síðan framleiðslustarfsmaður í álverinu á Reyðarfirði. Samhliða námi starfaði Berglind á sambýli fyrir fatlaða og eitt sumar sem bókari hjá Norðlenska. Berglind tók að sér aðstoðarkennslu í háskólanum og kenndi hluta úr námskeiði á haustönn 2017.

Þegar Berglind hóf nám við Háskólann á Akureyri tók hún strax mikinn þátt í félagslífi skólans og hagsmunabaráttu nemenda. Meðal annars hefur hún setið í stjórn Félagsstofnunar stúdenta á Akureyri á árunum 2014-2018, verið formaður Þemis, félags laganema, varaformaður Félags stúdenta við Háskólann á Akureyri og setið í háskólaráði Háskólans á Akureyri 2014-2018.

Berglind hefur því sinnt hagsmunabaráttu nemenda við háskólans af kappi og þá einnig tekið þátt í greinaskriftaátaki háskólanema með tveimur greinum í átakinu #háskólaríhættu.

Berglind var í stjórn Varðar, félags ungra sjálfstæðismanna 2015-2016 og situr í stjórn Góðvina Háskólans á Akureyri.

Berglind Ósk á eina dóttur, Emilíu Margréti.