Ný stjórn kjörin á aðalfundi Varðar

Ný stjórn var kjörin á fjölmennum aðalfundi Varðar sem haldinn var í Geislagötu 5, 20. janúar síðastliðinn. 

Tveir voru í kjöri til formanns og bar Ísak Svavarsson sigur úr býtum. Ísak tekur við formennsku af Telmu Ósk Þórhallsdóttur sem var formaður félagsins síðastliðið starfsár. 

Einnig var kosið um sæti í aðalstjórn en þeir sem hlutu kjör eru: Arnar Kjartansson, Áslaug Dröfn Sveinbjörnsdóttir, Benjamín Þorri Bergsson, Elín Birna Gunnlaugsdóttir, Lara Mist Jóhannsdóttir og Steinar Bragi Laxdal Steinarsson. 

Varastjórn var sjálfkjörin en þeir sem hlutu sæti eru: Einar Svanberg Einarsson, Hulda Dröfn Sveinbjörnsdóttir og Telma Ósk Þórhallsdóttir  


Nýrri stjórn er óskað til hamingju með kjörið og góðs gengis á starfsárinu.