Berglind Ósk Guðmundsdóttir - framboðskynning

Berglind Ósk Guðmundsdóttir, lögfræðingur og varabæjarfulltrúi, Akureyri, gefur kost á sér í 2. sæti í prófkjöri Sjálfstæðisflokksins í Norðausturkjördæmi 29. maí nk.

• Ferilskrá
• Facebook-síða
  
• Heimasíða
• Instagram-síða
• berglindosk7@gmail.com

Berglind Ósk leggur áherslu á frelsi og jafnrétti. Hún telur norðausturlandið þarfnast öflugra og áberandi þingmanna til að vekja athygli á málefnum landshlutans. Gríðarleg verðmætasköpun á landsbyggðinni þarf að endurspeglast í fjármagni til innviðauppbyggingar út á landi. 

Berglind Ósk Guðmundsdóttir, fædd 7. júlí 1993, starfar sem lögfræðingur á rektorsskrifstofu Háskólans á Akureyri. Hún er varabæjarfulltrúi flokksins á Akureyri og formaður stjórnar Fallorku. Berglind Ósk á 5 ára dóttur, Emilíu Margrét. 

Berglind Ósk lauk meistaranámi í lögfræði frá HA 2018 en á háskólaárunum tók hún virkan þátt í hagsmunabaráttu stúdenta. Hún situr í stjórn Góðvina Háskólans á Akureyri, einnig í stjórn Sambands ungra sjálfstæðismanna, stjórn Landssambands sjálfstæðiskvenna, stjórn Sjálfstæðifélagsins á Akureyri og stjórn ungra sjálfstæðismanna á Akureyri. 

Það er hagsmunamál allra íslendinga, sér í lagi unga fólksins, að atvinnutækifærin séu fjölbreytt og að jafnt aðgengi að menntun og störfum sé tryggt og óháð búsetu. Rafrænar lausnir í opinberri þjónustu er lykilatriði ásamt einföldun á regluverki atvinnulífsins sem skipt getur sköpum fyrir lítil og millistór fyrirtæki á landsbyggðinni, auk þess felast gríðarleg fjárhagsleg verðmæti í verkefninu.  

Það er krafa nýrrar kynslóðar að leggja áherslu á loftslagsmál og þar á flokkurinn að láta hendur standa fram úr ermum!