Allar greinar

"Ég treysti engum betur en okkar fólki til þess að stuðla að traustri fjármálastjórn með því að lækka álögur á fólk og fyrirtæki sem fær unga fólkið okkar til baka í bæinn. Gerum því kleift að koma aftur og njóta þess að búa í sínum heimabæ - Akureyri okkar allra." Þorsteinn Kristjánsson, stjórnmálafræðingur - skipar 11. sæti á framboðslista Sjálfstæðisflokksins á Akureyri

"Það er hagur okkar allra að nýsköpun í atvinnulífinu sé öflug til að tryggja blómlega framtíð nærsamfélagsins. Akureyri er svo sannarlega háskólabær. Við sjálfstæðismenn teljum mikilvægt að gera Háskólanum á Akureyri áfram hátt undir höfði og efla háskólasamfélagið enn frekar - okkur öllum til hagsbóta." Sólveig María Árnadóttir, verkefnastjóri - skipar 8. sæti á framboðslista Sjálfstæðisflokksins á Akureyri

"Við þurfum að eiga tilbúið skipulag fyrir uppbyggingasvæði fram í tímann til að fyrirbyggja að við lendum aftur í lóðaskorti þegar eftirspurn vex og þenslan á markaðnum er mikil. Við sjálfstæðismenn erum tilbúin í þá vinnu með skýra sýn á framtíðaruppbyggingu fyrir Akureyri okkar allra." Þórhallur Jónsson, bæjarfulltrúi - skipar 3. sæti á framboðslista Sjálfstæðisflokksins á Akureyri

"Gjaldfrjáls leikskólapláss, hóflegar álögur á íbúa og ábyrgur rekstur eiga að vera þeir punktar sem við eigum stolt að geta sagt öllum frá að einkenni sveitarfélagið. Á sama tíma og blása á til sóknar er mikilvægt að áfram verði tryggt að öll grunnþjónusta sé til staðar þannig að allir hafi tækifæri til þess nýta sín tækifæri á sínum forsendum. Það er það sem einkennir Akureyri okkar allra." Hildur Brynjarsdóttir, þjónustufulltrúi - skipar 4. sæti á framboðslista Sjálfstæðisflokksins á Akureyri

"Í stefnuskrá okkar kemur fram að ráðast skuli í átak til að fjölga íbúum og atvinnutækifærum í sveitarfélaginu, auka stafræna þjónustu við íbúa og fyrirtæki, efla áfram umhverfisvitund og skapa atvinnu tengda menningarlífi, sjá til þess að skóla-, íþrótta- og tómstundastarf sé í blóma, nægt framboð sé á lóðum fyrir fólk og fyrirtæki, samgöngur séu greiðar, fasteignagjöld séu hófleg, ferlar séu liprir, nóg sé af rafmagni, frárennsli sé í lagi og að farvegur fyrir förgun úrgangs sé samkvæmt reglugerðum." Jóna Jónsdóttir, starfsmannastjóri - skipar 7. sæti framboðslista Sjálfstæðisflokksins á Akureyri

Njáll Trausti Friðbertsson, oddviti Sjálfstæðisflokksins í Norðausturkjördæmi, skrifar um framkvæmdir við stækkun flughlaðs og flugstöðvar á Akureyrarflugvelli sem ljúka mun á næsta ári.

"Við Sjálfstæðismenn viljum áframhaldandi aðhald í rekstri bæjarins og jákvætt að sjá að samstarf allra flokka skilaði sér í eins góðri niðurstöðu og raun bar. Þrátt fyrir gott ár 2021 gefur það ekki tilefni til mikilla viðbótarútgjalda nema þau séu fjármögnuð með sölu eigna, lóða eða skynsamlegri lántöku á lánum þar sem vextir eru undir arðsemi verkefnisins." Þórhallur Harðarson, framkvæmdastjóri - skipar 5. sætið á framboðslista Sjálfstæðisflokksins á Akureyri