Allar greinar

Njáll Trausti Friðbertsson, alþingismaður, minnir á hlutverk og skyldur höfuðborgarinnar Reykjavík í grein í Morgunblaðinu. Með til­lögu til þingsálykt­un­ar um þjóðar­at­kvæðagreiðslu um Reykja­vík­ur­flug­völl fái þjóðin tæki­færi til þess að segja hug sinn og hafa áhrif á það hvar flug­völl­ur­inn og miðstöð inn­an­lands- og sjúkra­flugs verða í fyr­ir­sjá­an­legri framtíð, m.a. með til­liti til þjóðhags­legra hags­muna og þjóðarör­ygg­is.

Þórhallur Jónsson, bæjarfulltrúi, fjallar í grein á Íslendingi um gagnrýni á gjaldskrárbreytingar í Hlíðarfjalli. Þær séu mikilvægar í ljósi þess að rekstur skíðasvæðisins hafi gengið erfiðlega og halli verið á honum. Vetraríþróttaparadísin í Hlíðarfjalli sé mikilvægur segull inn á svæðið fyrir vetrarferðamennsku til Akureyrar og því aldrei mikilvægara en nú að standa vörð um og styrkja rekstrargrundvöll þess.

Bjarni Benediktsson, fjármálaráðherra og formaður Sjálfstæðisflokksins, ræddi um áskoranir og verkefnin framundan í baráttunni við covid-19 í ávarpi sínu í umræðu um stefnuræðu forsætisráðherra á Alþingi að kvöldi 1. október.

Kristján Þór Júlíusson, sjávarútvegs- og landbúnaðarráðherra, fjallar í grein um stöðu íslensks landbúnaðar til framtíðar. Hann skipaði í síðustu viku verk­efn­is­stjórn um mót­un land­búnaðar­stefnu fyr­ir Ísland fram til ársins 2040. Íslenskur landbúnaður stendur á krossgötum og rétti tím­inn nú að fara í þessa vinnu og skapa sam­eig­in­lega sýn og áhersl­ur til framtíðar.

Eva Hrund Einarsdóttir, bæjarfulltrúi, skrifar í grein á Íslendingi um samstarf allra framboða í bæjarstjórn Akureyrar það sem eftir lifir kjörtímabilsins. Með því sé ekki verið að leggja pólitík eða gagnrýna umræðu af - allir fulltrúar standi áfram á sannfæringu sinni og komi fram með eigin skoðanir, þó stefnt sé að samstöðu þegar hún sé fyrir hendi.

Gunnar Gíslason, bæjarfulltrúi og oddviti Sjálfstæðisflokksins á Akureyri, skrifar í grein á Íslendingi um nýja stöðu í bæjarmálum eftir að öll framboð í bæjarstjórn Akureyrar tóku höndum saman um samstarf næstu 20 mánuði, það sem eftir lifir kjörtímabilsins.

Bæjarfulltrúar Sjálfstæðisflokksins á Akureyri hafa gengið til samstarfs við öll framboð í bæjarstjórn Akureyrarbæjar það sem eftir lifir kjörtímabilsins næstu 20 mánuði í breiðri samstöðu til að takast á við erfiða rekstrarstöðu Akureyrarbæjar. Í grein á Íslendingi fara bæjarfulltrúar flokksins yfir afstöðu sína og sýn á verkefnið framundan