Allar fréttir

Málfundafélagið Sleipnir boðar til umræðufundar í Geislagötu 5, 2. hæð, fimmtudaginn 13. febrúar kl. 19:30. Diljá Mist Einarsdóttir, alþingismaður, flytur framsögu og svarar fyrirspurnum. Rætt um stöðuna í pólitíkinni við upphaf þingstarfa. Allir velkomnir - heitt á könnunni.

Berglind Ósk Guðmundsdóttir var kjörin formaður fulltrúaráðs sjálfstæðisfélaganna á Akureyri á aðalfundi í kvöld. Berglind Ósk var alþingismaður Sjálfstæðisflokksins í Norðausturkjördæmi 2021-2024 og varabæjarfulltrúi Sjálfstæðisflokksins á Akureyri 2018-2021.

Málfundafélagið Sleipnir, Sjálfstæðisfélag Akureyrar og fulltrúaráð sjálfstæðisfélaganna á Akureyri boða til félagsfunda þriðjudaginn 11. febrúar nk. við val á fulltrúum sínum á landsfund Sjálfstæðisflokksins 28. febrúar til 2. mars nk.

Bæjarmálafundur Sjálfstæðisflokksins á Akureyri verður haldinn í Geislagötu 5 mánudaginn 3. febrúar kl. 17:30 í Geislagötu 5, 2. hæð. Rætt um stöðuna í bæjarmálunum; helstu mál á dagskrá bæjarstjórnarfundar og málefni Hafnasamlags Norðurlands. Allir velkomnir - heitt á könnunni.

Jón Þór Kristjánsson var kjörinn formaður Sjálfstæðisfélags Akureyrar á aðalfundi félagsins í gærkvöldi. Jón Þór er varaþingmaður Sjálfstæðisflokksins í Norðausturkjördæmi, skipaði fjórða sæti á framboðslista flokksins í síðustu alþingiskosningum.

Stefán Friðrik Stefánsson var endurkjörinn formaður Málfundafélagsins Sleipnis á aðalfundi félagsins í gærkvöldi. Stefán Friðrik hefur gegnt formennsku í Sleipni frá árinu 2011 og setið í stjórn félagsins frá árinu 2006.

Félagsfundur Varðar verður haldinn mánudaginn 3. febrúar kl. 19:00 í Geislagötu 5, gengið inn að aftan. Á fundinum verða kosnir fulltrúar félagsins á landsfund.