Allar fréttir

Fulltrúaráðið og sjálfstæðisfélögin á Akureyri hafa ákveðið að boða til félagsfundar í febrúar eftir alla aðalfundi til að velja fulltrúa sína á landsfund Sjálfstæðisflokksins sem fer fram þann 28. feb. -2. mars. Þá verður komið í ljós hverjir eru sjálfskipaðir og hverjir hafa óskað eftir sæti í gegnum rafræna gátt Valhallar. Fundurinn verður auglýstur síðar.

Aðalfundur Varnar, félags sjálfstæðiskvenna á Akureyri, var haldinn í Geislagötu 5 23. janúar sl. Gerður Ringsted var endurkjörin formaður Varnar. Hún hefur gegnt formennsku frá haustinu 2023.

Aðalfundur Varðar, félags ungra sjálfstæðismanna á Akureyri, var haldinn í Geislagötu 5 20. janúar sl. Ísak Svavarsson var kjörinn formaður í stað Telmu Óskar Þórhallsdóttur sem gaf ekki kost á sér til endurkjörs.

Aðalfundur fulltrúaráðs sjálfstæðisfélaganna á Akureyri verður haldinn fimmtudaginn 6. febrúar kl. 20:00 að Geislagötu 5. Á dagskrá eru venjuleg aðalfundarstörf og umræða um landsfundinn og aðalfund kjördæmisráðs 15. febrúar nk. Seturétt á fundinum hafa þeir sem til þess hafa hlotið kjör á aðalfundum sjálfstæðisfélaganna á Akureyri.

Aðalfundur Sjálfstæðisfélags Akureyrar verður haldinn í húsnæði flokksins Geislagötu 5, 2 hæð, gengið inn að norðan, miðvikudaginn 29. janúar kl. 20:00. Á dagskrá eru venjuleg aðalfundarstörf og umræða um landsfund Sjálfstæðisflokksins. Sérstakur gestur fundarins verður Njáll Trausti Friðbjörnsson, alþingismaður.

Aðalfundur Málfundafélagsins Sleipnis verður haldinn í Geislagötu 5, 2. hæð (gengið inn að norðan) miðvikudaginn 29. janúar kl. 18:00. Á dagskrá eru venjuleg aðalfundarstörf, skv. lögum félagsins og umræða um landsfund Sjálfstæðisflokksins.

Bæjarmálafundur Sjálfstæðisflokksins á Akureyri verður haldinn í Geislagötu 5 mánudaginn 20. janúar kl. 17:30 í Geislagötu 5, 2. hæð. Rætt um stöðuna í bæjarmálunum; helstu mál á dagskrá bæjarstjórnarfundar og einnig um landsfund Sjálfstæðisflokksins um mánaðarmótin febrúar-mars. Allir velkomnir - heitt á könnunni.