Fyrirkomulag röðunar
- Kosið verður með skriflegri kosningu milli þeirra sem hafa gefið kost á sér í sæti 1- 5. Kosningin skal vera leynileg. Ef einungis einn frambjóðandi gefur kost á sér í sætið telst hann sjálfkjörinn.
- Dregið verður um röð á framboðsræðum fyrir hverja lotu röðunarinnar.
- Hver frambjóðandi má flytja eina framboðsræðu, ræðutími má vera 3 mínútur.
- Ef frambjóðandi hyggst gefa aftur kost á sér í annað sæti og hefur þegar flutt framboðsræðu sína fær viðkomandi 1 mínútu til að gera grein fyrir framboði sínu.
- Spurningar úr sal eru ekki leyfðar. Komi upp sú staða að spurningu sé beint til frambjóðanda og henni svarað skulu allir frambjóðendur í sama sæti fá kost á að svara þeirri spurningu.
- Tilkynna skal úrslit eftir hverja umferð. Fá þá þeir sem höfðu gefið kost á sér í fyrri umferðinni kost á því að tilkynna um framboð í næsta sæti.
- Úrslit verða einungis tilkynnt með fjölda atkvæða tveggja efstu í hvert sæti.
